معروف بھارتی اداکارہ رشمیکا مندانا اور اداکار وجے دیوراکونڈا شادی کے بندھن میں بندھ گئے ہیں۔ دونوں نے روایتی تقریب میں اپنے قریبی رشتہ داروں اور دوستوں کی موجودگی میں نکاح کیا۔ رشمیکا مندانا اور وجے دیوراکونڈا کی شادی کی خبر سوشل میڈیا پر تیزی سے وائرل ہوگئی اور مداحوں کی جانب سے مبارکبادوں کا سلسلہ جاری ہے۔ یہ خبر شوبز حلقوں میں خاصی توجہ حاصل کر رہی ہے اور مداح اس خوشی کے موقع پر خوش دکھائی دے رہے ہیں۔
دونوں فنکار ماضی میں بھی ایک دوسرے کے قریب سمجھے جاتے تھے، تاہم اب انہوں نے اپنے رشتے کو باقاعدہ نام دے دیا ہے۔ رشمیکا اور وجے کی جوڑی کو فلموں میں بھی بے حد پسند کیا گیا تھا اور ان کی کیمسٹری کو شائقین نے خوب سراہا۔
دونوں نے تیلگو فلموں گیتھا گووندَم اور ڈیئر کامریڈ میں ایک ساتھ کام کیا تھا۔ ان فلموں میں ان کی آن اسکرین جوڑی بہت مقبول ہوئی اور یہی دوستی وقت کے ساتھ مضبوط تعلق میں بدل گئی۔
مزید پڑھیں: ایشوریا کے 400 کلو زیورات کی سخت حفاظت پر پانچ گارڈز تعینات
بھارتی میڈیا رپورٹس کے مطابق شادی کی تقریب جمعرات کی صبح آئی ٹی سی میمنٹوز میں منعقد ہوئی، جہاں روایتی تیلگو رسومات ادا کی گئیں۔ شام کے وقت کوڈاوا روایات کے مطابق دوسری تقریب بھی منعقد کی گئی تاکہ دونوں خاندانوں کی روایات کا احترام کیا جا سکے۔
وجے دیوراکونڈا نے سوشل میڈیا پر شادی کی تصاویر شیئر کرتے ہوئے خوشی کا اظہار کیا اور لکھا کہ انہوں نے اپنی بہترین دوست سے شادی کر لی ہے۔ یاد رہے کہ دونوں کی منگنی اکتوبر 2025 میں حیدرآباد میں ایک نجی تقریب میں ہوئی تھی۔ مداح اب خوشی سے رشمیکا مندانا اور وجے دیوراکونڈا کی شادی کا جشن منا رہے ہیں اور اس نئی زندگی کے لیے نیک تمناؤں کا اظہار کر رہے ہیں۔
